လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန၊ ရန်ကုန်တိုင်းဒေသကြီးအစိုးရအဖွဲ့၊ သာကေတမြို့နယ် သဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ၊ မြန်မာနိုင်ငံမြေငလျင် ကော်မတီနဲ့ UN-HABITAT တို့ ပူးပေါင်းပြီး ငလျင်အန္တရာယ်အသိပညာပေးဟောပြောပွဲ နဲ့ ဇတ်တိုက် လေ့ကျင့်ခန်းကို မေလ(၃၀)ရက်က သာကေတမြို့နယ်ရှိ သာကေတ အားကစားကွင်းမှာပြုလုပ်ခဲ့ပါတယ်။လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန အနေနဲ့ ငလျင်အန္တရာယ်အသိပညာပေးဟောပြောပွဲတွေ၊ သဘာဝဘေးအန္တရာယ်အသိပညာပေးဟောပြောပွဲ တွေအပြင် ဇတ်တိုက်လေ့ကျင့်ခန်းတွေလည်း မြို့နယ်အလိုက်လေ့ကျင့်ပေးနေတာဖြစ်ပါတယ်။ အခုလို ငလျင်အန္တရာယ်အသိ ပညာပေးဟောပြောပွဲနှင့် ဇတ်တိုက်လေ့ကျင့်ခန်းပြုလုပ်တာက သဘာဝဘေးအန္တရာယ်နဲ့ကြုံတွေ့လာပါက ဆုံးရှုံးနိုင်မှု လျော့ချနိုင်ဖို့အတွက် အခုလိုပြုလုပ်ရတာလို့ ရန်ကုန်တိုင်းဒေသကြီး ဘေးအန္တရာယ်စီမံခန့်ခွဲမှုဦးစီးဌာနမှ ညွှန်ကြားရေးမှူး ဦးဝင်းရွှေက ပြောပါတယ်။

ဒါ့အပြင် ရန်ကုန်တိုင်းဒေသကြီးမှာ လူဦးရေထူထပ်ပြီး အထပ်မြင့်အဆောက်အဦတွေများပြားတာကြောင့် သဘာဝဘေးအန္တရာယ်ကြုံတွေ့လာပါက ဆောင်ရန် ရှောင်ရန်တွေအပြင် ထိခိုက်ဆုံးရှုံးမှုတွေ လျော့နည်းစေဖို့ အတွက် ဟောပြောပေး ခဲ့တာဖြစ်ပါတယ်။ပြီးခဲ့တဲ့ (၂၀၁၈) ခုနှစ် အတွင်းမှာ ငလျင်အန္တရာယ်အသိပညာပေးဟောပြောပွဲနှင့်ဇတ်တိုက်လေ့ကျင့်ခန်းတွေကို ရန်ကုန်တိုင်းဒေသကြီးအတွင်းရှိ မြို့နယ်တွေအပြင် စာသင်ကျောင်း (၁၀၀)ကျော်နဲ့ မသန်စွမ်းကျောင်း(၇) ကျောင်း မှာပြုလုပ်ခဲ့တယ်လို့သိရပါတယ်။ငလျင်အန္တရာယ် အသိပညာပေးဟောပြောပွဲနဲ့ ဇတ်တိုက်လေ့ကျင့်ခန်းပြုလုပ်ခဲ့ တဲ့ သင်တန်း ကျောင်းတွေကို စီမံကိန်းဒေသအဖြစ် ရွေးချယ်ပြီး လေ့ကျင့်သင်ကြားပေးခဲ့တာလို့သိရပါတယ်။ စီမံကိန်းအဖြစ်ရွေးချယ်လေ့ကျင့် ပေးခဲ့တဲ့ကျောင်းတွေကတော့ အထပ်မြင့်ကျောင်းတွေ နဲ့ နှစ်ကာလ ကြာရှည်တဲ့ ကျောင်းတွေကိုရွေးချယ်သင် ကြားပေးခဲ့တယ်လို့သိရပါတယ်။

 

 

Related News