(၂၀၁၉)ခုနှစ်၊ မတ်လ(၃၁)ရက်က ကျင်းပပြုလုပ်ခဲ့တဲ့ ရန်ကုန်မြို့တော်စည်ပင်သာယာရေးကော်မတီအဆင့်ဆင့် ရွေးကောက်ပွဲတစ်ခုလုံးအတွက် ရန်ကုန်တိုင်းဒေသကြီးဘတ်ဂျက်ကနေ ထုတ်ယူသုံးစွဲခဲ့တာဖြစ်ပြီး ကုန်ကျစရိတ်စုစုပေါင်း ကျပ်သန်း(၁၇၀၀)ကျော်ရှိခဲ့တယ်လို့ ရန်ကုန်မြို့တော်ဝန်ဦးမောင်မောင်စိုးက ရှင်းလင်းပြောကြားပါတယ်။(၂၀၁၉)ခုနှစ် မတ်လ(၃၁)ရက်က ကျင်းပပြုလုပ်ခဲ့တဲ့ ရန်ကုန်မြို့တော်စည်ပင်သာယာရေးကော်မတီ အဆင့်ဆင့်ရွေးကောက်ပွဲ ကုန်ကျစရိတ်တွေကို မည့်သည့်ဘဏ္ဍာငွေကနေ ထုတ်ယူသုံးစွဲခဲ့ကြောင်းနှင့် မည်မျှကုန်ကျသုံးစွဲခဲ့သည်ကို သိရှိလိုကြောင်း ဇွန်လ(၂၇)ရက်က ကျင်းပပြုလုပ်ခဲ့တဲ့ ရန်ကုန်တိုင်းဒေသကြီးလွှတ်တော်န၀မပုံမှန်အစည်းအဝေးမှာ တိုင်းဒေသကြီးလွှတ်တော်ကိုယ်စားလှယ် ဦးကျော်ဇေယျက မေးမြန်းခဲ့တာဖြစ်ပါတယ်။ရန်ကုန်မြို့တော်စည်ပင်သာယာရေးကော်မတီအဆင့်ဆင့်ရွေးကောက်ပွဲကျင်းပနိုင်ဖို့ ကုန်ကျစရိတ်တွေအတွက် တိုင်းဒေသကြီးအစိုးရအဖွဲ့ထံ တင်ပြတောင်းခံပြီး ရန်ကုန်တိုင်းဒေသကြီးဘတ်ဂျက် ကနေထုတ်ယူသုံးစွဲခဲ့တယ်လို့ ရန်ကုန်မြို့တော်ဝန် ဦးမောင်မောင်စိုးက ပြောပါတယ်။

ဒီလိုသုံးစွဲနိုင်ဖို့ (၂၀၁၇-၂၀၁၈)ဘဏ္ဍာရေးနှစ်က ကျပ်သန်း(၁၀၀၀)၊ (၂၀၁၈)ခုနှစ်(၆)လတာကြားဘတ်ဂျက်မှာ ကျပ်သန်း(၁၀၀၀) စုစုပေါင်း ကျပ်သန်း(၂၀၀၀) သုံးစွဲဖို့လျာထားခဲ့တယ်လို့ဆိုပါတယ်။ ရန်ကုန်မြို့တော်စည်ပင် သာယာရေးကော်မတီအဆင့်ဆင့်ရွေးကောက်ပွဲကျင်းပနိုင်ဖို့ တိုင်းဒေသကြီးအစိုးရအဖွဲ့က ရန်ကုန်မြို့တော် စည်ပင်သာယာရေးကော်မတီအဆင့်ဆင့်ရွေးကောက်ပွဲကော်မရှင်ကို အဖွဲ့ဝင်(၁၅)ယောက်နဲ့ ဖွဲ့စည်းပေးကာ လုပ်ဆောင်စေခဲ့တယ်လို့သိရပါတယ်။ ရွေးကောက်ပွဲကုန်ကျစရိတ်အနေနဲ့တော့ လူဦးရေစာရင်းကောက်ယူခြင်း၊မဲစာရင်းကောက်ယူခြင်း၊ရွေးကောက်ပွဲကျင်းပခြင်းတို့အတွက် ကုန်ကျစရိတ်စုစုပေါင်းကျပ်သန်း(၁၇၀၀)ကျော်ရှိခဲ့တယ်လို့ ရန်ကုန်မြို့တော်ဝန်ဦးမောင်မောင်စိုးက ရှင်းလင်းပြောကြားခဲ့ပါတယ်။ရန်ကုန်မြို့တော်စည်ပင်သာယာရေးကော်မတီအဆင့်ဆင့်ရွေးကောက်ပွဲကို ရန်ကုန်မြို့တော်စည်ပင်သာယာ နယ်နမိတ်(၃၃)မြို့နယ်မှာ ကျင်းပပြုလုပ်ခဲ့တာဖြစ်ပြီး မဲရုံပေါင်း(၂၉၀၀)နီးပါးမှာ  မဲပေးခွင့်ရှိသူပေါင်း(၃.၄) သန်းက ဆန္ဒမဲပေးခဲ့ကြတာဖြစ်ပါတယ်။ မဲဆန္ဒရှင်တစ်ဦးအနေနဲ့  မြို့တော်ကော်မတီဝင်၊ မြို့နယ် ကော်မတီ်ဥက္ကဋ္ဌ၊ မြို့နယ်ကော်မတီအဖွဲ့ဝင်(၁)၊ မြို့နယ်ကော်မတီအဖွဲ့ဝင် (၂)စုစုပေါင်း(၄)ဦးရွေးချယ် မဲပေးခဲ့ကြရတာ ဖြစ်ပါတယ်။

 

 

Related News