ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ(၂၀၀၈ခုနှစ်)ပြင်ဆင်ရေး ပူးပေါင်းကော်မတီ၏ အစီရင်ခံစာနှင့် စပ်လျဉ်းပြီး သြဂုတ်လ(၁)ရက်ကပြုလုပ်တဲ့ ဒုတိယအကြိမ် ပြည်ထောင်စုလွှတ်တော် (၁၃)ကြိမ်မြောက်ပုံမှန်အစည်းအဝေးသတ္တမနေ့မှာ ဆွေးနွေးရန် ကျန်ရှိနေတဲ့ လွှတ်တော်ကိုယ်စားလှယ်တွေ ဆွေးနွေးခဲ့တယ်လို့သိရပါတယ်။ အဆိုပါ ပြည်ထောင်စုလွှတ်တော်အစည်းအဝေးမှာ အခြားကိစ္စရပ်များ ဆွေးနွေးခြင်း အစီအစဉ်တွေမပါဝင်ဘဲ ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ(၂၀၀၈ခုနှစ်)ပြင်ဆင်ရေးပူးပေါင်းကော်မတီ၏အစီရင်ခံစာနှင့်စပ်လျဉ်းပြီး ဆွေးနွေးရန်ကျန်ရှိနေတဲ့ လွှတ်တော်ကိုယ်စားလှယ်(၂၄)ဦးရဲ့ ဆွေးနွေးမှုအစီအစဉ်တစ်ခုထဲကိုပဲ ဆောင်ရွက်ခဲ့တာဖြစ်ပါတယ်။ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ(၂၀၀၈ခုနှစ်)ပြင်ဆင်ရေးပူးပေါင်းကော်မတီ၏ အစီရင်ခံစာနှင့်စပ်လျဉ်းပြီး ဆွေးနွေးရန်အတွက်စုစုပေါင်းလွှတ်တော်ကိုယ်စားလှယ် (၄၁)ဦးက အမည်စာရင်းတင်သွင်းထားပြီး ဇူလိုင်လ(၃၀)ရက်ကပြုလုပ်ခဲ့တဲ့ ဒုတိယအကြိမ် ပြည်ထောင်စုလွှတ်တော် (၁၃)ကြိမ်မြောက်ပုံမှန်အစည်းအဝေးဆဋ္ဌမနေ့မှာ လွှတ်တော်ကိုယ်စားလှယ်(၁၇)ဦးက ဆွေးနွေးခဲ့ပါတယ်။ပြည်ထောင်စုသမ္မတမြန်မာ နိုင်ငံတော် ဖွဲ့စည်းပုံအခြေခံဥပဒေ(၂၀၀၈ခုနှစ်)ပြင်ဆင်ရေးပူးပေါင်းကော်မတီ၏ လေ့လာတွေ့ရှိချက်နှင့် သဘောထားမှတ်ချက်အစီရင်ခံစာကိုပြီးခဲ့တဲ့ ဇူလိုင်လ(၁၅)ရက်ကပြုလုပ်ခဲ့တဲ့ ဒုတိယအကြိမ်  ပြည်ထောင်စုလွှတ်တော်(၁၃)ကြိမ်မြောက် ပုံမှန်အစည်းအဝေးပထမနေ့မှာ တင်သွင်းခဲ့တာပါ။

 

 

Related News