စက်မှုလုပ်ငန်းတွေရှိသလို အလုပ်အကိုင်ရရှိမှုအခြေအနေတွေကြောင့် ရွှေ့ပြောင်းလုပ်သားအခြေချမှု တွေများပြားလာတဲ့ ရန်ကုန်မြို့ရဲ့ အခြေအနေတစ်ခုကို ပြောင်းလဲချင်တယ်လို့ ရန်ကုန်တိုင်းဝန်ကြီးချုပ်က ပြောပါတယ်။အလုပ်အကိုင်အဓိကဖန်တီးပေးနေတဲ့ စက်မှုဇုန်တွေဟာ ရန်ကုန်မြို့ဧရိယာဖြစ်တဲ့ စည်ပင်သာယာနယ်နိမိတ်မြို့နယ် (၃၃)မြို့နယ်မှာပဲ ရှိနေတာဖြစ်ပါတယ်။ဒါကြောင့် မြို့ပြင်(၁၁)မြို့နယ်မှာ စက်မှုဇုန် အသစ်တွေထပ်မံအကောင်အထည်ဖော်ပြီး စက်မှုလုပ်ငန်းတွေကော ၊ လုပ်သားတွေကိုပါ ဖြန့်ကျက်နိုင်ဖို့မျှော်မှန်းထားတယ်လို့ပြောပါတယ်။ဒါဟာမြို့တွင်းမြို့ပြင် ဖွံ့ဖြိုးမှုအချိုးညီစေဖို့နဲ့ မြို့တွင်းကိုဦးတည်လာ နေရတဲ့ ရွှေ့ပြောင်းလုပ်သားတွေအရေး အဆင်ပြေနိုင်ဖုိ့ရည်ရွယ်တယ်လို့ ရန်ကုန်တိုင်းရင်းနှီးမြှုပ်နှံမှုကော်မတီ အစည်းအဝေးမှာ ၀န်ကြီးချုပ်က ပြောကြားခဲ့တာဖြစ်ပါတယ်။

အစိုးရရဲ့ အချက်အလက်တွေအရတော့ ရန်ကုန်ဟာ နိုင်ငံ့ဂျီဒီပီရဲ့ ၂၄ရာခိုင်နှုန်းကို ကိုယ်စားပြုနေပြီး နှစ်စဉ်(၉.၂) ရာခိုင်နှုန်းတိုးတက်နေပါတယ်။ဝန်ကြီးချုပ်တည်ထောင်ချင်တဲ့ စက်မှုဇုန်(၁၁)ခုကတော့ တစ်ခုကို ဧကတစ်ထောင်ကျော်အထိ ကျယ်ဝန်းပါတယ်။ ဒီထဲကမှ အခုနှစ်မှာတော့ ထန်းတပင်နဲ့ လှည်းကူးမှာ စတင်ဖို့လုပ်ဆောင်နေပြီဖြစ်ပြီး ကျန်ရှိတဲ့ ကော့မှူး ၊ ကွမ်းခြံကုန်း၊ တွံ့တေး၊ ကျောက်တန်း ၊ခရမ်း ၊သုံးခွ ၊တိုက်ကြီး ၊နဲ့မှော်ဘီမြို့နယ်တွေမှာလည်း ဆက်လက်လုပ်ဆောင်သွားမယ်လို့ ၀န်ကြီးချုပ်က ပြောထားပါတယ်။စက်မှုဇုန်တစ်ခုကိုတော့ အကောင် အထည်ဖော်ကာလ နှစ်နဲ့ချီကြာမြင့်ဖို့ရှိနေပြီး ထန်းတပင်စက်မှုဇုန်ဆို စီမံကိန်းကာလ(၉)နှစ်ရှိမှာဖြစ်ပါတယ်။ရန်ကုန်မှာ စက်မှုဇုန်(၂၉)ခုနဲ့ အထူးစီးပွားရေးဇုန်တစ်ခုရှိပြီး ဒါဟာ တစ်နိုင်ငံလုံးမှာရှိတဲ့ စက်မှုဇုန်တွေရဲ့ (၅၃)ရာခိုင်နှုန်းပမာဏ ဖြစ်ပါတယ်။ရန်ကုန်တိုင်းဒေသကြီးကိုတော့ ၂၀၁၁ ခုနှစ် ဧပြီလ(၁)ရက်ကနေ ၂၀၁၉ ခုနှစ် မတ်လအထိ (၈)နှစ်အတွင်းဝင်ရောက်ထားတဲ့ နိုင်ငံခြား ရင်းနှီးမြှုပ်နှံမှုစုစုပေါင်းက အမေရိကန်ဒေါ်လာ(၂၂)ဘီလီယံ ကျော်ရှိခဲ့ပြီး မြန်မာနိုင်ငံကိုဝင်ရောက်တဲ့ နိုင်ငံခြားရင်းနှီးမြုပ်နှံမှုရဲ့ တစ်ဝက်ကျော် ဖြစ်ပါတယ်။   

 

 

Related News