တန်းတူညီမျှ မိန်းကလေးတို့ ဘ၀ (၉၉)ရက်တာ လှုပ်ရှားမှု (Girls Get Equal Campaign) မ်ိတ်ဆက်တဲ့ အခမ်းအနားကို သြဂုတ်လ(၁၁)ရက်က ရန်ကုန်တိုင်းဒေသကြီး ၊ အင်းစိန်မြို့နယ် ကြို့ကုန်းရှိ ရန်ကုန်နည်းပညာတက္ကသိုလ်မှာ ကျင်းပပြုလုပ်ခဲ့ပါတယ်။တန်းတူညီမျှ မိန်းကလေးတို့ဘ၀လှုပ်ရှားမှု (Girls Get Equal )ဟာ မြန်မာနိုင်ငံအလွှာအသီးသီးမှ မိန်းကလေးနဲ့ လူငယ်အမျိုးသမီးတွေအနေနဲ့ မိမိတို့လိုချင်တဲ့ ဘ၀ကို စွမ်းဆောင်ရည်နဲ့ ယုံကြည်မှုများဖြင့် မိမိကိုယ်တိုင်ပုံဖော်တည်ဆောက်နိုင်ပြီး မြန်မာနိုင်ငံဖွံ့ဖြိုးရေးကို အထောက်အကူပေးနိုင်တဲ့ ခေါင်းဆောင်ကောင်းများဖြစ်လာစေရန် ရည်ရွယ်ကျင်းပပြုလုပ်တာဖြစ်တယ်လ်ို့ သိရပါတယ်။တန်းတူညီမျှ မိန်းကလေးတို့ဘ၀၊ လူထုလှုပ်ရှားမှုကနေ မြန်မာမိန်းကလေးတွေအတွက် ညီမျှသောတာဝန်ယူဆုံးဖြတ်နိုင်ခွင့်၊ညီမျှသော လွတ်လပ်ခြင်းနှင့် လုံခြုံမှု၊ညီမျှသော ကိုယ်စားပြုခွင့်နဲ့ ခေါင်းဆောင်နိုင်ခွင့်တွေ ရရှိလာစေဖို့ ရည်ရွယ်တယ်လို့လည်း သိရပါတယ်။

တန်းတူညီမျှ မိန်းကလေးတို့ဘ၀ လူထုလှုပ်ရှားမှုမှာတော့ မိန်းကလေးများရဲ့ စွမ်းဆောင်နိုင်မှုကို ဂုဏ်ပြုခြင်း၊ Girls Get Equal Ambassador ခန့်အပ်ခြင်းနဲ့ သီချင်းမိတ်ဆက်ခြင်း၊မိန်းကလေးများ ဦးစီးခေါင်းဆောင်မှု လွှဲပြောင်းရယူခြင်း( Girls Takeover 2019) အသိပေးကြေညာခြင်း၊အပြည်ပြည်ဆိုင်ရာ မိန်းကလေးများနေ့အခမ်းအနား ဂုဏ်ပြုကျင်းပခြင်းနဲ့ ပြိုင်ပွဲဝင် ဓာတ်ပုံများ ခင်းကျင်းပြသခြင်းနဲ့ ပြိုင်ပွဲဆုရရှိသူများအား ချီးမြှင့်ခြင်း၊ Girls Get Equal အထိမ်းအမှတ် စုပေါင်းလမ်းလျှောက်ခြင်းတွေအပြင် အားကစားသရုပ်ဖော်ပြသမှုများ၊တေးဂီတ ဖျော်ဖြေမှုများ စတာတွေကို လုပ်ဆောင် သွားမှာဖြစ်တယ်လို့သိရပါတယ်။တန်းတူညီမျှ မိန်းကလေးတို့ဘ၀ (၉၉)ရက်တာ လှုပ်ရှားမှုကို သြဂုတ်လ(၁၂)ရက်ကစတင်ပြီး နိုဝင်ဘာလ(၂၀) ရက်အထိ ကျင်းပသွားမှာဖြစ်ပြီး အဆိုပါ ကာလအတွင်း လူငယ်များဦးဆောင်မှု၊နိုင်ငံတော်အစိုးရရဲ့ ပူးပေါင်းဆောင်ရွက်မှုဖြင့် အနာဂတ်ကာလတွေမှာ မိန်းကလေးတွေအတွက် တန်းတူအခွင့်အရေးရရှိစေဖို့ ရည်ရွယ်တယ်လို့သိရပါတယ်။တန်းတူညီမျှ မိန်းကလေးတို့ ဘ၀ (၉၉)ရက်တာ လှုပ်ရှားမှု (Girls Get Equal Campaign) မ်ိတ်ဆက်ခြင်းအခမ်းအနားကို ရန်ကုန်တိုင်းဒေသကြီးအစိုးရအဖွဲ့ လူမှုရေးဝန်ကြီီး ဦးနိုင်ငံလင်း နဲ့ တာဝန်ရှိသူများတက်ရောက်ခဲ့ကြတယ်လို့သိရပါတယ်။

 

 

Related News