အာဆင်နယ်အသင်းအနေဖြင့် စာချုပ်သက်တမ်းတိုးနိုင်ခြင်းမရှိသေးသည့် ဆန်းချက်ဇ်နှင့် အိုဇေးလ်တို့အတွက် တစ်နှစ်လုပ်ခလစာအဖြစ် နှစ်ဦးပေါင်းသန်း (၃၀) ပေးချေမည်ဟူသည့် ကမ်းလှမ်းချက်အသစ် အား ထပ်မံကမ်းလှမ်းလိုက်ကြောင်း သိရသည်။ ဆန်းချက်ဇ်အတွက် တစ်ပတ်လုပ်ခလစာအဖြစ် ပေါင် (၂၇၅၀၀၀)၊ အိုဇေးလ် အတွက် တစ်ပတ်လုပ်ခလစာ (၂၈၀၀၀၀) ဖြင့် လာမည့် ၂၀၂၀ ခုနှစ်အထိ (၂) နှစ်သက်တမ်းတိုးရန် ကမ်းလှမ်းသွား မည်ဖြစ်သည်။ ၄င်းတို့နှစ်ဦးစလုံး၏ လတ်တလောစာချုပ်သက်တမ်းမှာ လာမည့် ၂၀၁၈ ခုနှစ်တွင် ကုန်ဆုံးမည်ဖြစ်သည့် အတွက် အသင်းအနေဖြင့် နောက်ထပ်ကမ်းလှမ်းချက်အသစ်အား အလျင်အမြန်ဖော်ဆောင်လိုက်ခြင်းဖြစ်သည်။

အိုဇေးလ် အတွက် ၄င်း၏ကိုယ်စားလှယ်က တစ်ပတ်လျှင် လုပ်ခလစာကို ပေါင် (၃၅၀၀၀၀) အထိ တောင်းဆိုမှုပြုထားသော်လည်း အသင်းဘက်က ပေါင် (၂၈၀၀၀၀) ဖြင့်သာ ကမ်းလှမ်းရန်စီစဉ်ခြင်းဖြစ်သည်။ ဆန်းချက်ဇ်အတွက်လည်း အစောပိုင်းက တစ်ပတ်လုပ်ခလစာကို ပေါင် (၃၀၀၀၀၀) ဖြင့် ကမ်းလှမ်းခဲ့သည်ဟု သတင်းများထွက်ပေါ်ခဲ့သော်လည်း ယခုတွင်မူ ပေါင် (၂၇၅၀၀၀) ဖြင့်သာ ကမ်းလှမ်းခဲ့ခြင်းဖြစ်သည်။

လန်ဒန်လူနေမှုပုံစံကို နှစ်သက်သည့် ဆန်းချက်ဇ်အတွက် ယခုအခြေအနေ အရ ယခင်လစာနှုန်းထားထက်လည်း များစွာမြင့်မားသည့် လစာရရှိမည်ဖြစ်ရာ ကမ်းလှမ်းချက်အား လက်ခံရန် သေချာ သလောက်ရှိသည်ဟု အာဆင်နယ်အသင်းဘက်မှ ခန့်မှန်းထားသော်လည်း မန်စီးတီးနှင့် ဘိုင်ယန်မြူးနစ်တို့ဘက်က လည်း ဆန်းချက်ဇ်အား ခေါ်ယူရန်အတွက် အသဲအသန်ကြိုးစားလျက်ရှိသည်ဟု သိရသည်။ 

 

 

 

 

Related News