ကျန်းမာရေးနှင့်အားကစားဝန်ကြီးဌာန၊ မြန်မာနိုင်ငံရိုးရာလက်ဝှေ့အဖွဲ့ချုပ်မှ ကြီးမှူးပြီး H&S Group နှင့် Lethewi Nation Group တို့ပူးပေါင်းကျင်းပတဲ့ ၂၀၁၇ ရွှေခါးပတ်ချန်ပီယံ ဗိုလ်လုပွဲစဉ်များကို ဇူလိုင်လ (၃၀) ရက်နေ့ နေ့လည် (၂) နာရီက အောင်မြင်စွာကျင်းပခဲ့ပါတယ်။ ၂၀၁၇ခုနှစ် ရွှေခါးပတ်ချန်ပီယံ ဗိုလ်လုပွဲကြီးကို  ဇူလိုင်လ (၃၀) ရက်နေ့ နေ့လယ် (၂) နာရီက ဗိုလ်လုပွဲကို ၀ိတ်တန်း (၇) တန်းနဲ့ နိုင်ငံတကာ အထူးစိန်ခေါ်ပွဲ (၁) ပွဲနဲ့ ကျင်းပခဲ့ပါတယ်။ 

နိုင်ငံတကာအထူးစိန်ခေါ်ပွဲမှာတော့ သပြေညို (မြန်မာ)နဲ့ ဒိုင်ခိခနဲကို (ဂျပန်) တို့က ထိုးသတ်ခဲ့ကြပြီး ဒုတိယအချီအရောက်မှာတော့ ဒိုင်ခိခနဲကို (ဂျပန်) ကမျက်ခွံကွဲသွားခဲ့ပြီး ဆေးရှုံးနဲ့ ရှုံးနိမ့်ခဲ့ပါတယ်။  ဒိုင်ခိခနဲကို(ဂျပန်)အနေနဲ့ အခုပွဲစဉ်ဟာ သပြေညို ကိုဒုတိယအကြိမ်ပြန်လည် ထိုးသတ်ခဲ့တာ ဖြစ်ပြီး ပထမပွဲစဉ်မှာလည်းရှုံးနိမ့်ထားခဲ့ပါတယ်။

 ရွှေခါးပတ်ချန်ပီယံ ဗိုလ်လုပွဲများမှာတော့ ၅၁-ကီလိုတန်းမှာ ရွှေခါးပတ်ချန်ပီယံ သပြေအောင် (သုံးပန်လှ)၊ ၅၄-ကီလိုတန်းမှာ ရွှေခါးပတ်ချန်ပီယံ စိုးဝင်းသန်း (ရန်စစ်ငြိမ်း)၊ ၅၇-ကီလိုတန်းမှာ ရွှေခါးပတ်ချန်ပီယံစူပါ (မျိုးဆက်သစ်)၊ ၆၀-ကီလိုတန်းမှာ ရွှေခါးပတ်ချန်ပီယံ စိန်လုံးချော (ဗမာ့သွေး)၊ ၆၃.၅-ကီလိုတန်းမှာ ရွှေခါးပတ်ချန်ပီယံ ရန်နိုင်ထွန်း (သုံးပန်လှ)၊ ၆၇ ကီလိုတန်းမှာတော့ ဖိုးလပြည့် (ရွှေဖူး)က ရွှေမင်းရာဇာ (မြိုင်ကလေး) ကို ပထမအချီမှာပဲ အလဲထိုးခဲ့ရာ ရွှေခါးပတ်ချန်ပီယံဖြစ်ခဲ့ပြီး ၇၁- ကီလိုတန်းမှာတော့ သွေးသစ်အောင် (သုံးပန်လှ)က စိုးထက်ဦး(STL) ကို ပထမအချီမှာ အလဲထိုးခဲ့ပြီး ထပ်ဆင့်ရွှေခါးပတ် ချန်ပီယံဖြစ်ခဲ့ပါတယ်။

ရွှေခါးပတ်ချန်ပီယံဆုပေးပွဲမှာတော့ ဆုကြေးအနေနဲ့ ၅၁ နဲ့ ၅၄ ကီလိုတန်းမှာ ချန်ပီယံများကို (၁၀) သိန်း၊ ၅၇၊ ၆၀၊ ၆၃.၅ ကီလိုတန်းက ချန်ပီယံများကို (၁၅) သိန်းနဲ့ ၆၇၊ ၇၁ ကီလိုတန်းက ချန်ပီယံများကိုတော့ သိန်း (၂၀) ချီးမြှင့်ခဲ့ပါတယ်။ 

 

 

Related News