မြန်မာနိုင်ငံကအိမ်ရှင်အဖြစ်ကျင်းပပြုလုပ်မယ့် Asean University Games ပြိုင်ပွဲအတွက် မြန်မာ့စစ်တုရင် အားကစားအဖွဲ့ဟာ အောင်ဆန်းကွင်းမှာ ဇွန်လ(၁)ရက်နေ့မှစတင် လေ့ကျင့်ပြင်ဆင်နေတာဖြစ်ပါတယ်။ ၂၀၁၈ Asean University Games ပြိုင်ပွဲဟာ ဒီဇင်ဘာလ(၁၀)ရက်ကနေ (၁၉)ရက်နေ့အထိ နေပြည်တော်မှာ ကျင်းပမှာဖြစ်ပြီး၊ အားကစာနည်း(၁၇)မျိုးနဲ့ကျင်းပပြုလုပ်မှာဖြစ်ပါတယ်။ အိမ်ရှင်မြန်မာအသင်းဟာ ဒီပြိုင်ပွဲမှာ အားကစားနည်း(၁၇)မျိုးစလုံးမှာဝင်ရောက်ယှဉ်ပြိုင်မှာဖြစ်ပြီး၊ မြန်မာစစ်တုရင်အားကစားအဖွဲ့ကတော့ ဒီပြိုင်ပွဲမှာအောင်မြင်မှုကြီးကြီးမားမားရဖို့မျှော်လင့်နေတာဖြစ်ပါတယ်။

ဒီAsean University Games ပြိုင်ပွဲမှာ စစ်တုရင်အားကစားအဖွဲ့ကို အမျိုးသား(၅)ဦးနဲ့ အမျိုးသမီး(၅)ဦး စုစုပေါင်း(၁၀)ဦးဝင်ရောက်ယှဉ်ပြိုင်သွားမှာဖြစ်ပြီး၊ ၀င်ရောက်ယှဉ်ပြိုင်သွားမယ့် ပြိုင်ပွဲဝင်တွေကို တော့ ဧပြီလ(၆)ရက်မှ (၁၁)ရက်ထိပြုလုပ် ခဲ့တဲ့ တက္ကသိုလ်နဲ့ကောလိပ်ကျောင်းပေါင်းစုံ စစ်တုရင်ပြိုင်ပွဲမှ ရွေးချယ်ထားတာဖြစ်ပါတယ်။၂၀၁၈ ခုနှစ် အာဆီယံတက္ကသိုလ်များ အားကစားပြိုင်ပွဲက အာဆီယံတက္ကသိုလ်တွေကြား (၁၉)ကြိမ်မြောက် ကျင်းပတဲ့အားကစားပွဲတော်တစ်ခုဖြစ်ပြီး၊ မြန်မာနိုင်ငံအနေနဲ့ ပထမဆုံးအကြိမ် လက်ခံကျင်းပတာဖြစ်တယ်လို့ သိရပါတယ်။ ၂၀၁၈ Asean University Games ပြိုင်ပွဲမှာတော့ မြှားပစ်၊ ပြေးခုန်ပစ်၊ ကြက်တောင်၊ ဘတ်စကက်ဘော၊ စစ်တုရင်၊ ဘေးလုံး၊ ဂေါက်သီး၊ ကရာတေးဒို၊ ပီတန်း၊ ရေးကူး၊ ပိုက်ကျော်ခြင်း၊ ခြင်းလုံး၊ စားပွဲတင်တင်းနစ်၊ ဘော်လီဘော၊ ဗိုဗီနမ်၊ လှေလှော်(Rowing)၊ လှေလှော်(TBR)၊ ၀ူးရှူး၊ တင်းနစ် စတဲ့အားကားစား(၁၇)မျိုးပါဝင်မှာဖြစ်ပါတယ်။

 

 

Related News