ဇူလိုင်လ(၁၉)ရက်ကနေ (၂၇)ရက်ထိ မလေးရှားနိုင်ငံမှာ ကျင်းပမယ့် Asean School Games ကို ၀င်ရောက်ယှဉ်ပြိုင်ဖို့အတွက်  ကြက်တောင်အားကစားသမားတွေအနေနဲ့ လက်ရှိမှာ အပြီးသတ်ပြင်ဆင်မှုတွေ ပြုလုပ်နေပြီဖြစ်ပါတယ်။မြန်မာနိုင်ငံကိုယ်စားပြုအဖြစ် Asean School Games မှာဝင်ရောက်ယှဉ်ပြိုင်မယ့် ကြက်တောင်အားကစားသမားများကို မေလ အပြီးသတ်ရွေးချယ်ခဲ့တာဖြစ်ပါတယ်။ ဒီကစားသမားများတွေထဲမှာ အခြေခံပညာ ကျောင်းတွေက ကစားသမားတွေနဲ့ အားကစားနှင့်ကာယပညာသိပ္ပံက အသက်(၁၈)နှစ်အောက် ကစားတွေ ပါဝင်တာ ဖြစ်ပြီး အမျိုးသား(၆)ဦးနဲ့ အမျိုးသမီး(၆)ဦး စုစုပေါင်းကစားသမား (၁၂)ဦး တို့က သွားရောက် ယှဉ်ပြိုင်မှာဖြစ်ပါတယ်။

Asean School Games ပြိုင်ပွဲရဲ့ ကြက်တောင်အားကစားနည်းမှာတော့ မြန်မာနိုင်ငံအနေနဲ့ ပြိုင်ပွဲအမျိုးအစား (၆)မျိုးနဲ့ပါဝင်ယှဉ်ပြိုင်သွားမှာ ဖြစ်ပြီး အမျိုးသား၊အမျိုးသမီးတစ်ဦးချင်းပြိုင်ပွဲ၊ အမျိုးသား(၂)ယောက်တွဲပြိုင်ပွဲ၊ အမျိုးသမီး(၂)ယောက်တွဲပြိုင်ပွဲ၊ အမျိုးသား၊အမျိုးသမီး(၂)ယောက်တွဲပြိုင်ပွဲ၊ အမျိုးသား၊အမျိုးသမီးအသင်းလိုက် ပြိုင်ပွဲစတဲ့ပြိုင်ပွဲအမျိုးအစားတွေမှာ ၀င်ရောက်ယှဉ်ပြိုင်သွားမှာဖြစ်ပါတယ်။မြန်မာနိုင်ငံကြက်တောင်အဖွဲ့ချုပ်အနေနဲ့ အခုနှစ်မှာပြုလုပ်မယ့် (၁၀)ကြိမ်မြောက် Asean School Games ကို ဒုတိယအကြိမ် ၀င်ရောက်ယှဉ်ပြိုင်တာ ဖြစ်တယ်လို့သိရပါတယ်။မြန်မာကြက်တောင်အားကစားအဖွဲ့ကတော့ ဇူလိုင်လ(၁၉)ရက်နေ့မှာထွက်ခွာမယ်လို့သိရပါတယ်။  

 

 

Related News