ဧရာဝတီတိုင်းဒေသကြီး ညောင်တုန်းမြို့နယ် ဆားမလောက်ကျေးရွာ အထက်ပိုင်းရပ်ကွက်မှာ ဇန်န၀ါရီလ (၂) ရက်နေ့ ညနေပိုင်းက ကမ်းပြိုမှု စတင်ဖြစ်ပွားခဲ့ပါတယ်။ ဒီကမ်းပြိုမှုတွေကို ယာယီကာကွယ်ဖို့အတွက် ရေလွှဲ၊ ရေကာတွေ ပြုလုပ်လျက်ရှိတယ်လို့သိရပါတယ်။ ကမ်းပြိုမှုမှာ အိမ်ခြေ (၁၅) လုံးနဲ့ ဂိုထောင် (၁) လုံးပါဝင်ထားပြီး ကမ်းဆက်ပြိုနိုင်တဲ့ အက်ကြောင်းတွေ ရှိနေသေးတာကြောင့် အခုလို ယာယီ ရေလွှဲ၊ ရေကာတွေပြုလုပ်နေတာပဲ ဖြစ်ပါတယ်။

ဒီရေလွှဲရေကာပြုလုပ်တာကို တစ်ပတ်ကျော်အချိန်ယူရမှာဖြစ်ပြီး လက်ရှိပြိုကျထား တဲ့နေရာတွေနဲ့ အက်ကြောင်းရှိနေရာတွေကို အဓိကပြုလုပ်သွားမယ်လို့ သိရပါတယ်။ အခုကမ်းပြိုမှုမှာ ပါဝင်ထားတဲ့အိမ်တွေအတွက် ဆားမလောက်ကျေးရွာက ရွှေဥဒေါင်းကျောင်း တိုက်မှာ ကယ်ဆယ်ရေးစခန်း ဖွင့်ပေးထားပါတယ်။ ကယ်ဆယ်ရေးစခန်းမှာတော့ အိမ်ထောင်စု (၁၁)စု ပြောင်းရွှေ့နေထိုင်နေတယ်လို့ သိရပါတယ်။ ရေလွှဲ၊ ရေကာပြုလုပ်နေချိန်မှာ အက်ကြောင်းနဲ့ မလွတ်တဲ့ အိမ်ခြေ (၂၁) လုံးကို ထပ်ပြီး ဖျက်ရမယ်လို့လည်း သိရပါတယ်။     

Related News