ရေစီးရေလာကောင်းမွန်ဖို့အတွက် ရန်ကုန်မြို့တွင်း မြို့နယ်(၃၃)မြို့နယ်မှာ အမှိုက်တွေကို အမှိုက်သိမ်းကားနဲ့ အခေါက်ရေ(၁၄၀၀)ကျော်ထိရှင်းလင်းပြီး ဖြစ်တယ်လို့ ရန်ကုန်မြို့တော် စည်ပင်သာယာကော်မတီ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနမှ သိရပါတယ်။
 
ရန်ကုန်မြို့တော်စည်ပင် သာယာရေးကော်မတီ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနက မိုးမကျမီ ရေစီးရေလာကောင်းဖို့အတွက် ပြီးခဲ့တဲ့ဧပြီလပိုင်းမှ စတင်ပြီး ဌာနလေးခုနဲ့ ပေါင်းစပ်ပြီး ခရိုင်အလိုက် စုဖွဲ့အင်အားတွေနဲ့ ချောင်းကြီး၊ မြောင်းကြီးတွေမှာ အမှိုက်တွေပိတ်ဆို့မှု မရှိစေဖို့အတွက် ဦးစားပေးရှင်းလင်းနေတယ်လို့ သိရပါတယ်။
 
ဒီလိုရှင်းလင်းရာမှာ မိုးရွာသွန်းတဲ့အခါ ပိတ်ဆို့နိုင်တဲ့ ပင်မချောင်းကြီး မြောင်းကြီးတွေမှာ မြို့နယ်ခရိုင်အလိုက် စုဖွဲ့ရှင်းလင်းနေပြီး ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနရဲ့ လူအင်အား စက်သုံးဆီအမှိုက်သိမ်းယာဉ်တွေနဲ့ပဲ ဆောင်ရွက်တာဖြစ်တယ်လို့ သိရပါတယ်။ စတင်ဆောင်ရွက်စဉ်ကာလမှာ ခရိုင်မြို့နယ်တွေမှာ အမှိုက်ရှင်းလင်းရေးတွေ နေ့စဉ်ပြုလုပ်ခဲ့ပြီး အခုလက်ရှိမှာတော့ တစ်ပတ်ကို သုံးရက်ဆောင်ရွက်နေတယ်လို့ သိရပါတယ်။ 
 
 

Related News