တစ်နိုင်ငံလုံးမှာရှိတဲ့ ကျေးရွာ(၈၀)ရာခိုင်နှုန်းရဲ့လမ်းတွေကို လာမည့် (၂၀၃၀)အရောက်မှာ ရာသီမရွေးသွားလာလို့ ရတဲ့လမ်းတွေအဖြစ် အဆင့်မြှင့်တင်ဆောင်ရွက်ပေးသွားမယ်လို့ ကျေးလက်လမ်း ဖွံ့ဖြိုးရေးဦးစီးဌာနက သိရပါတယ်။ ကျေးရွာတွေရဲ့ လမ်းတွေကို အဆင်မြှင့်တင်ပေးမှာနဲ့ ပတ်သက်ပြီး သြဂုတ်လ(၁၆)ရက်က နေပြည်တော်မှာရှိတဲ့ ဆောက်လုပ်ရေးဝန်ကြီးဌာနရုံးမှာပြုလုပ်ခဲ့တဲ့ ကျေးလက်လမ်း ဖွံ့ဖြိုးရေး ဦးစီးဌာန အသစ်ဖွင့်လှစ်ခြင်း အခမ်းအနားမှ သိရပါတယ်။ 
 
တစ်နိုင်ငံလုံးမှာ ကျေးရွာပေါင်း (၅၇၂၂၀) ကျော်ရှိကာ အဲဒီထဲကကျေးရွာ(၈၀) ရာခိုင်နှုန်းက လမ်းတွေကို (၂၀၃၀)အရောက်မှာ ရာသီမရွေး သွားလာလို့ရတဲ့ ကျေးရွာချင်း ဆက်လမ်းတွေအဖြစ် အဆင့်မြင့်တင်ဆောင်ရွက်ပေးမှာဖြစ်ပြီး အလှမ်းဝေးတဲ့ တောင်တန်းဒေသတွေက ကျေးရွာ အချို့တော့ ကျန်နိုင်တယ်လို့ သိရပါတယ်။ လမ်းတွေကို အဆင့်မြင့်တင်ပေးရာမှာ အနိမ့်ဆုံး ကျောက်ခင်းလမ်းနဲ့ အမြင့်ဆုံး ကတ္တရာခင်းလမ်းတွေဖြစ်အောင်ထိ ဆောင်ရွက်ပေးမယ်လို့ ဆိုပါတယ်။
 
လမ်းတွေကိုအဆင့်မြင့်တင်ပေးရာမှာ ပထမအဆင့်အနေနဲ့ လူဦးရေ(၁၀၀၀) အထက်ရှိတဲ့ရွာတွေကို (၂၀၂၀)အထိ သတ်မှတ်ဆောင်ရွက်သွားမှာဖြစ်ပြီး လူဦးရေ(၅၀၀)နဲ့ တစ်ထောင် ကြားရှိတဲ့ ကျေးရွာတွေကို(၂၀၂၅)မှာလည်းကောင်း၊ လူဦးရေ(၂၅၀)နဲ့ (၅၀၀)ကြားရှိတဲ့ ရွာတွေကို (၂၀၃၀)မှာလည်းကောင်း အပြီးဆောင်ရွက်သွားမယ်လို့ သိရပါတယ်။ ဒါ့အပြင် ကျန်ရှိနေသေးတဲ့ ကျေးရွာတွေကိုလဲ အမြန်ဆုံးအကောင်အထည် ဖော်နိုင်ရေးဆောင်ရွက် ပေးသွားမယ်လို့ သိရပါတယ်။ 
 
ကျေးလက်လမ်းဖွံ့ဖြိုးရေးဦးစီးဌာနရဲ့ စာရင်းတွေအရ(၂၀၃၀)မှာ အပြီးဆောင်ရွက်ပေးမယ့် ရာသီမရွေးသွားလာလို့ရအောင် ဆောင်ရွက်ပေးမယ့်လမ်းများဟာ ပြည်တွင်းမှာရှိတဲ့ ကျေးလက် နေပြည်သူတွေရဲ့(၉၀)ရာခိုင်နှုန်းအထိ အသုံးပြုနိုင်မယ်လို့ သိရပါတယ်။
 

Related News