သီလ၀ါအထူးစီးပွားရေးဇုန်အတွင်းမှာ ဂျပန်နည်းပညာသုံး မိုးလေ၀သစောင့်ကြည့် စစ်ဆေးရေးစနစ်နဲ့ ရန်ကုန်မြစ်အတွင်းမှာ ရေမျက်နှာပြင်တိုင်းစနစ်တို့ တပ်ဆင်ထားပါတယ်။ သီလ၀ါအထူးစီးပွားရေးဇုန်အတွင်းမှာ ဖြစ်ပေါ်လာလျက်ရှိတဲ့ လေတိုက်နှုန်း၊ လေတိုက်ရာ လမ်းကြောင်း၊ မိုးရေဖွဲ့ နှုန်း၊ လေဖိအားနဲ့  အပူချိန်တိုင်းတာတွေအပြင် ဆိပ်ကမ်းမှာဖြစ်ပေါ် လျက်ရှိတဲ့ မုတ်သုန်ရာသီအတွင်း ဖြစ်ပေါ်နိုင်တဲ့ ရာသီဥတုအခြေအနေတွေကို မိုးလေ၀သ စောင့်ကြည့်ရေးစနစ်နဲ့ တိုင်းတာနိုင်မှာဖြစ်ပါတယ်။ ရေမျက်နှာပြင် တိုင်းစနစ်တပ်ဆင်ထားတဲ့ အတွက် ဒီရေအတက်အကျနဲ့ ရေကြီးတဲ့အချိန်တွေကို တိကျစွာသိရှိနိုင်မယ့်အပြင် Cloud နည်းပညာအသုံးပြုထားတဲ့အတွက် ၀က်ဆိုက်ဆာဗာကို အချိန်နဲ့အညီသတင်းပေးနိုင်မှာ ဖြစ်တယ်လို့ ပြောပါတယ်။

မိုးလေ၀သနှင့်ဇလဗေဒညွှန်ကြားရေးဦးစီးဌာနအနေနဲ့ အခုလို မိုးလေ၀သစောင့်ကြည့်ရေး ကိရိယာနဲ့ရေမျက်နှာပြင်တိုင်းကိရိယာတပ်ဆင်ထားတဲ့အတွက် အချိန်နဲ့အညီ မိုးလေ၀သ အချက်အလက်တွေကို သိရှိနိုင်မှာဖြစ်တယ်လို့ ဆိုပါတယ်။ လက်ရှိမိုးလေ၀သတိုင်းတာကို သုံးနာရီခြားတစ်ခါ လူနဲ့တိုင်းတာတဲ့အတွက် အခုလို ကိရိယာတပ်ဆင်ထားတာဟာ နည်းပညာမြင့် အသုံးပြုထားတာလို့ ပြောပါတယ်။

မြန်မာ-ဂျပန် သီလ၀ါဖွံ့ဖြိုးတိုးတက်ရေးကုမ်္ပဏီအနေနဲ့တပ်ဆင်ထားတဲ့ မိုးလေ၀သ တိုင်းတာတဲ့စက်နဲ့ ရေမျက်နှာပြင်တိုင်းတာတဲ့ စက်တွေမှ တိုင်းတာရရှိတဲ့ အချက်အလက်တွေကို မိုးလေ၀သနှင့်ဇလဗေဒညွှန်ကြားမှုဦးစီးဌာန၊ မြန်မာ့ဆိပ်ကမ်းအာဏာပိုင်နဲ့ သီလ၀ါဆိပ်ကမ်းမှာ ရှိတဲ့ သက်ဆိုင်ရာကုမ္ပဏီတွေကိုပါ ဝေမျှပေးသွားမှာ ဖြစ်တယ်လို့ သိရပါတယ်။

 

Related News