(၂၀၁၆)ခုနှစ်ဟာ ကမ္ဘာ့သမိုင်းမှာ အပူဆုံးနှစ်တစ်နှစ်ဖြစ်ခဲ့ပြီး  ကမ္ဘာ့မြောက်ဖက်မှာရှိတဲ့ အာတိတ် ရေခဲတွေက အရည်ပျော်တာများခဲ့တာကြောင့် အာတိတ်ဝင်ရိုးစွန်းမှာ ၀င်ရိုးစွန်း လေဆိုင်ဝဲကြီးကအားနည်းသွားခဲ့တယ်လို့ သိရပါတယ်။ ဒီလိုအားနည်းသွားခဲ့ရာမှာ တစ်စစီကွဲ ထွက်သွားခဲ့ပြီး လတ်္တီကျူအနိမ့်ပိုင်းကိုရောက်ရှိကာ လေဆိုင်ဝဲအသေးတွေအဖြစ် အမေရိကတိုက်၊ ဥရောပတိုက် ၊အာရှတိုက်တို့ကို ရောက်ရှိလာခဲ့တယ်လို့သိရပါတယ်။ လေဆိုင်ဝဲအသေးတွေထဲမှာ ၀င်ရိုးစွန်းလေတွေပါလာတာကြောင့် အဲ့ဒီဒေသတွေမှာလွန်ကဲတဲ့ အအေးဒဏ်ရာသီဥတု ဖြစ်ပေါ်လာတယ်လို့ သိရပါတယ်။ ဒါ့ကြောင့် မြန်မာနိုင်ငံမြောက်ပိုင်းမှာ အအေးလွန်ကဲနိုင်ပြီး ကချင်ပြည်နယ်၊ ချင်းပြည်နယ်၊ စစ်ကိုင်းတိုင်းဒေသကြီး၊ ရှမ်းပြည်နယ်တို့မှာဒီဇင်ဘာ (၉)ရက်မှ(၁၄) ရက်အတွင်း အအေး လွန်ကဲနိုင်တယ်လို့သိရပါတယ်။ ဒါ့အပြင် မြန်မာ နိုင်ငံအလယ်ပိုင်းဒေသတွေနဲ့ မြစ်ဝကျွန်းပေါ်ဒေသအစပ် လောက်ထိ အအေးဒဏ်တွေကို ခံစားရနိုင်တယ်လို့ သိရပါတယ်။ ကမ္ဘာ့မြောက်ဖက်ခြမ်းကုန်းမြေဒေသတွေဖြစ်တဲ့ အမေရိကန်ပြည်ထောင်စုအနောက်အလယ် ပိုင်းနဲ့ အရှေ့ပိုင်းဒေသတွင်းကိုအာတိတ်လေအေးများတိုးဝင်လာနိုင်ပြီး ဥရောပတိုက် အနောက်ပိုင်း ဒေသတွေမှာအေးခဲနေမယ့် ဆောင်းရာသီဥတုဒဏ်နဲ့ အာရှအရှေ့ပိုင်းဒေသတို့မှာဒီဇင်ဘာလ (၉)ရက်မှ(၁၄)ရက်အတွင်း လွန်ကဲတဲ့အအေးဒဏ်ရာသီဥတုတို့ကို  ကြုံတွေ့ရဖွယ်ရှိတယ်လို့ သိရပါတယ်။ 
 
 

Related News