မြေငလျင်သတင်းထုတ်ပြန်ချက်၂၀၁၈ ခုနှစ်၊ ဇန်န၀ါရီလ (၁၂)ရက်နေ့၊ မြန်မာစံတော်ချိန် (၀၀)နာရီ၊ (၅၆)မိနစ်၊ (၂၃)စက္ကန့် အချိန်တွင် ကမ္ဘာအေးမြေငလျင်စခန်းမှ မြောက်ဘက်(၁၀၇)မိုင်ခန့် ကွာဝေးသော မြန်မာနိုင်ငံပြည်တွင်း (ဖြူးမြို့၏ အနောက်-အနောက်တောင်ဘက်(၁၇)မိုင်ခန့်အကွာ)ကိုဗဟိုပြု၍ အင်အားရစ်(ခ်) တာစကေး(၆.၀)အဆင့်ရှိ အင်အားအသင့်အတင့်ရှိသော မြေငလျင်တစ်ခုလှုပ်ရှားသွားကြောင်း တိုင်းထွာ ရရှိပါသည်။
 
ဒါ့အပြင် ဒီကနေ့မနက်အစောပိုင်းက နောက်ဆက်တွဲမြေငလျင်သတင်းထုတ်ပြန်ချက်တွေအရ မနက် (၁)နာရီ(၈)မိနစ်(၁၁)စက္ကန့်က ဖြူးမြို့ အနောက်-အနောက်တောင်ဘက် (၂၄) မိုင်ခန့်အကွာမှာ အင်အားရစ်(ခ်)တာစကေး(၅.၃)အဆင့်ရှိတဲ့ အင်အားအသင့်အတင့်ရှိတဲ့ မြေငလျင်တစ်ခု ၊မနက် ၁ နာရီ ၁၂ မိနစ် ၅၉ စက္ကန့်အချိန်က ဖြူးမြို့ အနောက်-အနောက်တောင်ဘက်(၁၆) မိုင်ခန့်အကွာမှာ အင်အားရစ်(ခ်)တာစကေး (၅.၃)အဆင့်ရှိတဲ့ အင်အားအသင့်အတင့် မြေငလျင်တစ်ခု ၊ မနက် ၁ နာရီ ၁၄ မိနစ် ၀၀ စက္ကန့်က ဖြူးမြို့ အနောက်ဘက် ( ၁၅ ) မိုင်ခန့်အကွာမှာ အင်အားရစ်(ခ်) တာစကေး (၅.၃)အဆင့်ရှိတဲ့ အင်အားအတင့် မြေငလျင်တစ်ခုနဲ့ မနက် ၂ နာရီ ၉ မိနစ် ၂၄ စက္ကန့်အချိန်ကလဲ ဖြူးမြို့ အနောက်ဘက် (၂၄) မိုင်ခန့်အကွာမှာ အင်အားရစ်(ခ်)တာစကေး (၄.၇) အဆင့်ရှိတဲ့ အင်အားအနည်းငယ် ငလျင်တစ်ခုလှုပ်ခတ်သွားခဲ့တယ်လို့ မိုးလေ၀သနှင့် ဇလဗေဒညွှန်ကြားမှုဦးစီးဌာနမှ နောက်ဆက်တွဲမြေငလျင်သတင်းထုတ်ပြန်ချက် ထုတ်ပြန်ထားပါတယ်။
 
ဒါ့အပြင် ဒီကနေ့  မြန်မာစံတော်ချိန် (၁၀)နာရီ (၄၆)မိနစ် (၄)စက္ကန့် အချိန်တွင် ကမ္ဘာအေးမြေငလျင်စခန်းမှ မြောက်ဘက်(၁၀၃)မိုင်ခန့်ကွာဝေးသော မြန်မာနိုင်ငံ ပြည်တွင်း ဖြူးမြို့၏ အနောက်တောင်ဘက်(၂၁)မိုင်ခန့်အကွာကို ဗဟိုပြု၍ အင်အားရစ်(ခ်)တာစကေး(၄.၆)အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ရှားသွားကြောင်း တိုင်းထွာရရှိခဲ့တယ်လို့ မိုးလေ၀သနှင့် ဇလဗေဒညွှန်ကြားမှုဦးစီးဌာနမှ မြေငလျင်သတင်းထုတ်ပြန်ချက် ထုတ်ပြန်ထားပါတယ်။
 
 
 

Related News