အင်အားအတော်အတန်ပြင်းထန်တဲ့ မဂ်္ဂနီကျူ (၆.၀)ရှိတဲ့ ငလျင်လှုပ်ခပ်ခဲ့တာကြောင့် နောက်ဆက်တွဲငလျင်(၄)ခု ထပ်မံလှုပ်ခတ်မှာ ဖြစ်တယ်လို့ မြေငလျင်ဌာနခွဲ၊ မိုးလေ၀သနှင့်ဇလဗေဒ ညွှန်ကြားမှုဦးစီးဌာနမှ ပြောပါတယ်။ မြန်မာနိုင်ငံမှာ တောင်မြောက်သွယ်တန်းနေတဲ့ စစ်ကိုင်းပြတ်ရွေ့ကြော တွေရှိသလို ပြတ်ရွေ့ကြီး၊ ပြတ်ရွေ့ငယ်တွေလည်းရှိတဲ့အတွက် အခုလိုလှုပ်ခဲ့တာ ဖြစ်တယ်လို့ ပြောပါတယ်။ ဇန်န၀ါရီလ(၁၂)ရက် နံနက်(၁၂)နာရီ(၅၆)မိနစ်၊(၂၃)စက္ကန့်က ကမ္ဘာအေးမြေငလျင်စခန်း မြောက်ဘက်(၁၀၇)မိုင်ခန့်အကွာနဲ့ ဖြူးမြို့အနောက်၊ အနောက်တောင်ဘက်(၁၇)မိုင်ခန့်အကွာ ပဲခူးရိုးမကိုဗဟိုပြုပြီး မဂ္ဂနီကျု(၆.၀)ရှိတဲ့ အင်အားအတော်အတန်ပြင်းထန်တဲ့ ငလျင်လှုပ်ခတ်ခဲ့တာ ဖြစ်ပါတယ်။
 
ဖြူးမြို့တွေမှာတော့ ငလျင်အန္တရာယ်ကိုပိုမိုသတိပြုသင့်တယ်လို့ သိရပါတယ်။ ဒါကြောင့်မိမိနေထိုင်တဲ့ နေရာတွေ ၊ ငလျင်ဒဏ်ခံခဲ့ရတဲ့အဆောက်အအုံတွေ မှာ မနေထိုင်သင့်ပဲ ကွင်းပြင်ကျယ်တွေမှာသာ နေထိုင်သင့်ကြောင်းကိုလည်းသတိပေးချက်တွေထုတ်ပြန်ထားတယ်လို့သိရပါတယ်။မြန်မာနိုင်ငံမှာ မြေငလျင်စခန်းပေါင်း (၁၃)ခုရှိပြီး လက်ရှိမှာလည်းအချိန်နဲ့ တပြေးညီ သိရှိနိုင်မဲ့ မြေငလျင်စခန်း တွေလည်း တိုးချဲ့တပ်ဆင်နေတယ်လို့သိရပါတယ်။ 
 
 
 

Related News