အင်အားအတော်အတန်ပြင်းထန်တဲ့ မဂ္ဂနီကျူ(၆.၀)ရှိတဲ့ ငလျင်လှုပ်ခပ်ခဲ့တာကြောင့် နောက်ဆက်တွဲ ငလျင်(၄)ခု ထပ်မံလှုပ်ခတ်မှာ ဖြစ်တယ်လို့ မြေငလျင်ဌာနခွဲ၊ မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ပြောပါတယ်။ မြန်မာနိုင်ငံမှာ တောင်မြောက်သွယ်တန်းနေတဲ့ စစ်ကိုင်း ပြတ်ရွေ့ကြောတွေရှိသလို ပြတ်ရွေ့ကြီး၊ ပြတ်ရွေ့ငယ်တွေလည်းရှိတဲ့အတွက် အခုလိုလှုပ်ခဲ့တာ ဖြစ်တယ်လို့ ပြောပါတယ်။ ဇန်န၀ါရီလ(၁၂)ရက်၊ နံနက်(၁၂)နာရီ(၅၆)မိနစ်၊ (၂၃)စက္ကန့်က ကမ္ဘာအေးမြေငလျင်စခန်း မြောက်ဘက်(၁၀၇)မိုင်ခန့်အကွာနဲ့ ဖြူးမြို့အနောက်၊ အနောက်တောင်ဘက် (၁၇)မိုင်ခန့်အကွာ ပဲခူးရိုးမကိုဗဟိုပြုပြီး မဂ္ဂနီကျု(၆.၀)ရှိတဲ့ အင်အားအတော်အတန် ပြင်းထန်တဲ့ ငလျင်လှုပ်ခတ်ခဲ့တာ ဖြစ်ပါတယ်။ ငလျင်(၄)ခု ထပ်မံလှုပ်ခတ်ပါက အဓိကအနေနဲ့ ပဲခူးတိုင်းဒေသကြီး တောင်ငူမြို့နဲ့ ဖြူးမြို့တွေမှာတော့ ငလျင်အန္တရာယ်ကို ပိုမိုသတိပြုသင့်တယ်လို့ သိရပါတယ်။ ဒါကြောင့်မိမိနေထိုင်တဲ့ နေရာတွေ ၊ ငလျင်ဒဏ်ခံခဲ့ရတဲ့အဆောက်အအုံတွေမှာ မနေထိုင်သင့်ပဲ ကွင်းပြင်ကျယ်တွေမှာသာ နေထိုင်သင့်ကြောင်းကိုလည်း သတိပေးချက်တွေ ထုတ်ပြန်ထားတယ်လို့ သိရပါတယ်။ မြန်မာနိုင်ငံမှာ မြေငလျင်စခန်းပေါင်း (၁၃) ခုရှိပြီး လက်ရှိမှာလည်းအချိန်နဲ့ တပြေးညီ သိရှိနိုင်မဲ့ မြေငလျင်စခန်း တွေလည်း တိုးချဲ့တပ်ဆင်နေတယ်လို့ သိရပါတယ်။ 
 
 

Related News