လာမည့် မိုးလယ်ကာလနဲ့ မိုးနှောင်းကာလတွေမှာ မိုးများနိုင်လို့ရေကြီးရေလျှံမှုနဲ့ မြေပြိုမှုအန္တရာယ်တွေကို ဂရုပြုဖို့ မိုးလေ၀သပညာရှင်ဒေါက်တာထွန်းလွင်က သတိပေးထားပါတယ်။မိုးလယ်ကာလဖြစ်တဲ့ ဇူလိုင်၊ သြဂုတ်လနဲ့ မိုးနှောင်းကဖြစ်တဲ့ စက်တင်ဘာလတွေမှာ မိုးကောင်းနိုင်တယ်လို့သိရပါတယ်။ မိုးလယ်ကာလမှာ ဘင်္ဂလားပင်လယ်အော်မှာ မုန်တိုင်းတွေဖြစ်လာနိုင်သလို တောင်တရုတ်ပင်လယ်က တိုင်ဖွိုန်းမုန်တိုင်း အကြွင်းအကျန်တွေလည်းလာနိုင်တယ်လို့သိရပါတယ်။ဒါ့ကြောင့် မုန်တိုင်းမိုးကော မုတ်သုန်မိုးပါကောင်းနိုင်တယ်လို့ သိရပါတယ်။           

ဒါ့ကြောင့် ဒုတိယရေကြီးကာလဖြစ်တဲ့  ဇူလိုင်လ နဲ့ တတိယရေကြီးကာလဖြစ်တဲ့  စက်တင်ဘာ၊ အောက်တိုဘာလတွေမှာ ဂရုပြုပြင်ဆင်ထားဖို့ လိုအပ်တာလို့ သိရပါတယ်။ ဒါ့အပြင် မိုးများရင် မြေပြိုနိုင်တာကြောင့်လည်း မြေပြိုတတ်တဲ့ဒေသတွေအနေနဲ့ ဂရုပြုနေထိုင်ဖို့လိုအပ်တယ်လို့ သတိပေးထားပါတယ်။

မိုးလယ်ကာလဖြစ်တဲ့ ဇူလိုင်၊ သြဂုတ်လနဲ့ မိုးနှောင်းကာလဖြစ်တဲ့ စက်တင်ဘာလတို့မှာ မုတ်သုန်မိုးများနဲ့အတူ မြန်မာနိုင်ငံမြောက်ပိုင်းဒေသတွေမှာ မိုးကောင်းနိုင်တဲ့အတွက် ဧရာဝတီမြစ်နဲ့ ချင်းတွင်းမြစ်များသာမက အခြားသောမြစ်များမှာပါ ရေကြီးမှု အန္တရာယ်ကြုံတွေ့ရနိုင်တယ်လို့ သိရပါတယ်။

အခုနှစ်ပြီးခဲ့တဲ့ မိုးကြိုကာလမှာတော့ မိုးမကောင်းခဲ့သလို အထူးသဖြင့် ကုန်းတွင်းပိုင်းဒေသတွေမှာ ရွာသွန်းမြဲအောက် လျော့ခဲ့တယ်လို့ သိရပါတယ်။ မိုးဦးရာသီဖြစ်တဲ့လက်ရှိ ဇွန်လမှာလည်း မြန်မာနိုင်ငံအလယ်ပိုင်း၊ မြန်မာနိုင်ငံအရှေ့ပိုင်းနဲ့ မြန်မာနိုင်ငံမြောက်ပိုင်းတို့မှာ မိုးနည်းနေတယ်လို့သိရပါတယ်။ ဒါကြောင့် ယခုနှစ် မိုးဦးနဲ့ မိုးကြိုကာလတွေမှာ ရေကြီးနိုင်မှု အလားအလာကတော့ မရှိခဲ့ဘူးလို့ သိရပါတယ်။

 

Related News